العلاقات مع الناس

.

العلاقات مع الناس شي معقد جداً ترتاح لشخص لدرجه كبيره

ممكن تعتبره صديق لك , أنا اسميه صديق الغفله , لأنه فعلاً بغفله

لا تسلم اسرارك و كلامك لأي احد ولا تقول لكل شخص ترتاح

له كل شي , كون حاجز بسيط بينكم , لا تصير جلف و لا تصير خفيف

خل علاقتكم شي سطحي بسيط , الي ان تأمنه عطه سر بسيط تدرج

لا تندفع , يمكن تخرعه و يهج و ما يصدق على الله يفتك منك

كثير منا يتعرف على ناس نكون من احلى ما يكون شهر شهرين و بعدين

خلاص نصير نسلم على بعض صدفه , ليه ما نخلي الصدفه بدايه و بعدين التعمق

أنا انسانه انفتاحيه على العالم كلهم اعرف ناس و اسولف معاهم عادي جداً 

و اكون لينه في التعامل , و في كل شي و اضحك و ننبسط و بعدين ننتقل

لمرحلة جديده , أنا الصداقه عندي شي معقد جداً , و نادر اصادق مو حذر زايد

بس أنا هذا طبعي .

أكثر صداقه افتخر فيها دائمه 9 سنوات والي الان 

الله يتمم علينا الصداقه و المحبه و يخلينا لبعض

في ناس تستاهل الصداقه وفي ناس ما تستاهل

حتى الوقت الي ممكن تجلسه معاهم حرام والله

فكر قبل تكوين اي صداقه و يمكن تحسون وسوسه

لكن راقب تصرفاته مع الناس و بكذا تتجنبو مشاكل كثير

مو كل من جلست معاه و انبسطت  معاه صديق 

في فرق بين الصديق و المعارف الثانيه 

تقسيمات الناس كيثره , حاول انك توزعهم صح

.

!!!!

.

كتيت بلوق كامل و إنمسح 

لمن اروق بعيد كتابته

أنا في حالة صدمه 

.

خدمة العملاء

.

كتاب جديد جالسه اقراه او بدئت اقراه اليوم 

صراحه شكله ممتع مره , مديرتي جابته لي

دايم مديرتنا تهتم فينا من ناحية تطوير الموظفين

و تركز على الطوير الذاتي و دايم تدفعنا ناخذ دورات .

الفتره الجاي بعد نهاية كل بلوق لي بكتب لكم تلخيص الي قريته من الكتاب

و ايش فادني , و يمكن يكون البلوق كامل عن الكتاب .

ان شاء الله ما أخذ وقت طويل وانا اقراه لاني اعرف نفسي 

إذا ما خلصته بركنه ع جنب ولا بكمله =( .

.

دافع انك تصحى

.

كثير من الأيام نتكاسل أننا نصحى و نقوم للدوام أو للمدرسه

بس تدرون أن لو نغير الدافع اليومي الي نقوم عشانه بنحس

بنشاط اكثر .

كمثال , كل يوم اتعذب وانا اصحي اختي عشان تروح الجامعه

و دايم اصحيها بعد ما أنا اطلع من دورة المياه , عشان اعطيها فرصه

اليوم ما أمداني اطلع من الحمام إلا الاخت صاحية , ليه ! لأنها رايحه 

بيت صديقتها الصباح مو رايحه الجامعه , فالهدف تغير و صحت بسرعه .

لو نجرب هذا الشي على العمل , مثلاً : يلا بقوم للدوام بسرعه اليوم عندنا ميتنق حلو

نفكر بشكل ايجابي , نغير الهدف اليومي

لأن لو ماتغير بعد فتره ممكن يكون سببنا تعاسه لنفسنا

.

قرار سريع يسبب سعاده

.

في البدايه بقول , أنا انسانه سعيده بعملي و مرتاحه جداً ولله الحمد

و احس اني جالسه انتج , مو بس لأني اسوي شي احبه , لا .

لأن مديرتي انسانه رائعه و اسلوب تعاملها جميله معانا 

تخليك تحس اممم ان المكان مكانك و انت مسؤول عنه كلياً

عن كل شي ممكن يصير فيه , كأنه بيتك تماماً . لو اجلس اتكلم لبكره ما بخلص

نفسياتنا كانت شوي تعبانه امس فقدنا انسانه جميله كانت معانا

فأخذتنا المديره و غيرنا جو و طلعنا تغدينا برى , يمكن شي بسيط

لكن فعلاً اثر علي انبسطنا و ضحكنا و غيرنا جو و رجعنا للشغل

جلسنا شوي , جهزنا شغل بكره و بعدين رجعنا بيوتنا .

لنا فترة طويله نحاول نسوي مثل هذي الحركه لكن دايم نأجلها

أو اننا نتكاسل , لكن امس على طول قررنا و طلعنا و عملنا .

احياناً القرارات السعيده تكون سبب سعاده و مصدر فرح لبعض الناس

في ناس تجلس و تفكر و تخطط سنه على اتفه الاشياء , لازم نحاول نتهور 

احياناً .

.

اسألة جاوبتها

.

ما أدري ايش الي جاني و جاوبت اليوم الصباح قبل الدوام على اسأله

جايتني من فتره ابداً ماهي قريب , اكتشفت ان الاجابه على الاسئله

لازم ما تكون فوريه , لأنك يمكن تكون انفعالي أول مره تقراها

عشان كذا نعطيها فرصه و بعدين نجاوب .

وإذا كنت اعرف الشخص , من الذوق اني اعطيه خبر اني راح اتأخر

وحتى لو ما كنت اعرفه , بطريقة ما احاول اوصله 

و اقوله اني جاوبتها لمن أجاول =)

http://www.formspring.me/Hsh

.

شي جميل و غريب

.

كان ودي ابدا هذا الشهر اكتب بشكل يومي 

لكن ما ادري ايش الي صار , بحاول اركز أكثر على الكتابه

تدرون معاد احب اجلس على النت وكذا , صاير ممل ومافي شي نسويه

يمكن هي العاب الفيس بوك الي تسلي بس , اممم اهم شي في شي

يغير روتين العمل و النوم ;P

اليوم صار شي بالدوام خلاني اضحك , و غريب

في عملاء يقطون معاك الميانه و بشكل فوري حتى

لو كنت تكلمهم لأول مره , هذا الشي شوي يفجع

و يخليك تتجمد و يمكن ماتعرف ايش تعلق , و المصيبه

ان مزحهم احياناً يكون ثقيل , الحمدلله ان بالي نوعاً ما عليهم

طويل , ولا كان الله العالم ايش بيصير 

ما أقول ان هالناس قليلة ادب او شي , لا عادي جداً

بس تستغرب , ممكن لأنها تعاملت مع ناس كثيره 

و بشكل كبير جداً فصار عندها كأنها تعرف كل الناس

و كلهم اصدقاء .

شي جميل و غريب

.