What made you smile today?

My sister

Ask me anything

اعتذر عن السؤال الفظ ،، جاني و بالغلط ارسلته لكم :)

اعتذر عن السؤال الفظ ،، جاني و بالغلط ارسلته لكم :)

Answer here

1/1/1432

.

جات السنه الجديده و دايم السنوات الجديده تكون فرصه للكثير بأنه يحاول يتغير للأفضل

مع اني اتخيل ان اي وقت ممكن ان الواحد يتغير او خل نسميها ارتقاء بالنفس

 . لان التغير يتكون من ايجابي و سلبي

اليوم صار شي غريب و لي فتره افتقده الي هو اني اصحي قبل المنبة

و اليوم قمت و حسيتها بدايه حلوه و دافع جديد ,, اني أرجع و أسابقْ الساعه

ماعندي كثير اكتبه بس اليوم 1/1 رقم مميز لازم نستغله

وكل سنة و صديقتي نهى بألف خير الله يجعل عمرها كله خير و بركه و يكتب لها السعاده

. 

اشارة مقصف الابتدائي

.

اربع خطوط للشارع ثلاثة منها عشان تمشي قدام مع الإشارة ووحده للي يبي يلف من جنب ، طيب ليه ! دايم و في اغلب الاحيان الكل يبي يوقف بأول الصف و يجي يسد طريق اللفه ، الي هو المفروض يكون مسلك سهل و مافيه اي صعوبه لانه من الاساس لهذا الغرض !!

الهدف من الشارع الرابع تقليل الزحمه مهي مساحة فاضيه عشان تصير انت الاول ولا تقطع السير .

و ديني ودين الي يجي و يبي يدخل من بين السيارات وين جاي يا الحبيب و بعدين

فجأة صار حادث و يوقف الشارع كله و نتاخر و لازم ننتظر المرور =) و نتعذب بالحر

هذا غير الملاقيف الي يخففون السرعه عشان يشوفون السالفه و يصير حادث ثاني .

صراحه انا انسانه جدا مرتبه و منظمه عشان كـذا اتعذب نفسياً اذا تأخرت عن موعد

و ما اتوقع احد يحب التأخير .

طبعاً هالشي انا اشوفه كل يوم وانا رايحه العمل و يدي ع قلبي لاني احس بنصدم 

الحل الوحيد لهذي المشكله الصبر و يمشي على النظام ، و ان حصل كل شخص بياخذ سندويشته و عصيره =) . 

.

Back To work

السبت برجع للدوام بعد اجازه طويله ، ما آكذب عليكم ان قعدة البيت اعجبتني 

بس لو اقعد كمان زياده يمكن انهار لاني صراحه تعودت على جو الزحمه

اكثر شي اشتقت له النظام الي كان بحياتي ، كنت انسانه اقوم الصباح و انام بالليل 

الحين حياتي معكوسه ليلي نهار و نهاري ليل ، وهذا شي ماتعودت عليه 

قبل اجازتي كنت مكرسه حياتي للشغل و ابسوي كل شي بس الحين

ابشتغل باعتدال و بطريقه اذكى و ربي يقدرني على الاخلاص

و بترك لحياتي الشخصيه مكان كبير كمان كنت مطنشه نفسي شوي قبل =D

اشتقت للبنات بالدوام ;p

.

It's my Birthday

اجلت هالبلوق الي ان ينتهي العيد لاني ما كنت افكر بطريقه صحيحه 

لان كان زحمه و معمعه و قلق شوي بس اني حجزت التاريخ ،و خليتها مستوده

فتحت صفحة الفيس بوك الصباح و قمت ارد ع الناس الي كتبولي 

و حتى تويتر و بالبلاك بيري <٣ الله يسعدهم جميع يارب 

فكرت بيني و بين نفسي اني لازم اعمل لنفسي قائمة و اشوف السنه الجاي

هل حققتها ولالا !! يارب قدرني على تحقيقها طبعاً هي ببالي بس لازم اسجلهم

منها ..

- اواصل ع المشي اليومي 

- اغير طريقتي في العمل

- اطور من نفسي في بعض الاشياء المهمه 

- اقرا اكثر

- اقوي علاقتي مع ربي 

و في اشياء ثانيه بس بحتفظ فيها على الورقه  =)

.

Obama Free Homaidan | أوباما أطلق حميدان

I'm Hoping , Ya Allah