Sunday, March 28, 2010
Earth Hour 2010
PM بدئت عندنا من الساعه 8:30 وحتى 9:30
احس بسعادة لأني شاركت فيها , طبعاُ كنت مع صديقاتي
على التويتر نتكلم عنها و نحن متحمسين الي ان طفت بطارية الاب توب
و ذهبت شهيدة ساعة الأرض , بعد ما إنتهت شعرت بسعاده
لأني شاركت فيها خاصه لمن فتحت اليوتوب و شفت كم فيديو
اغلب الي اعرفهم مثل امي و خواتي و بيت جدتي ما اعطو الأمر اهمية
بس أنا كافحت و طفيت كل كهربة غرفتي و جلست فيها الي ان
انتهت ساعة الارض .
يمكن كان تحدي لنفسي أني اقدر اسوي شي
مع أن الكل كان معارض و مستغرب و مستخف بالفكره
ان شاء الله السنه الجاي يكون وعي الناس لها أكثر و يعرفون اهمية المشاركه فيها
لأن فعلاً تحس بسعاده لمن تشارك حدث كل انحاء العالم مشاركه فيه
Earth Hour 2010 Official Video
http://www.youtube.com/watch?v=mDM1piwvGCQ
.
Friday, March 26, 2010
بدئت
من اليوم أحاول انشر هذا البلوك , بس المتصفح حقي يستهبل شوي
الظاهر عشان التحديثات وكذا , ع العموم غيرته و كتبته ولله الحمد
Illustrator امس بدئت اقوي نفسي في برنامج الـ
و بديت بدايه حلوه و لله الحمد , و اليوم بدئت او بالاصح رجعت
احاول ارجع نمط حياتي الصحي الي كنت اعيشه قبل الوظيفه
بس وقتي صاير ضايع بأشياء , احس في أخر اليوم ما اطلع بنتائج كبيره
what to do list عشان كذا قررت أركز و اغصب نفسي على منها تنظيم
و اعرف ايش و بأيش قضيت وقتي , أنا اكتب فيها من قبل بس بكتب فيها بتركيز اكثر
اليوم عرفت أن تراكم الاشياء فوق بعض يسبب انفجار , حتى بالاشياء الصغيره
فلازم نرتب و نضع الاشياء في تسلسل مريح , عشان ما ننفجر
.
Monday, March 22, 2010
تغير في الخطه
.
يمكن تختار طريق خطاء , و تكتشف هذا الشيء متأخر
لكن مو معناته أنك ما أستفدت منه شي , العكس يمكن كان هو السبب الي خلاك
. تصحي و تعرف طريقك الصح و يكون فادك
ابداً معرفه انك خطاء بعد مرور وقت
مو شي يخوف او يدمر حياتك , كثير ناس برعوا بعمر كبير
. الحياة عباره عن تجارب نخوضها و في يوم من الايام راح تنتهي
خلونا نعمل لنترك بصمه كبيره عند البشر و تكون ذات لها تأثير إجابي
.
Sunday, March 21, 2010
يتغير عليك شي
.
ما أحد يبقى على حاله كل شخص يتغير
يمكن تغير مؤقت بسبب عوامل خارجيه او داخليه
يمكن صدمه او زعل , من شخص معين .
التعميم ابداً ماهو من صالح اي شخص لأن فيه ظلم
و مافي احد يحب ينظلم ولا حتى يظلم , احسني تحمست شوي
أنا وحده ما أحب أحد يتغير اسلوب التعامل معاه
احاول اتجاهل هذا الشعور و أقدر الظروف بس يجي وقت
اسميه الانفجار , مو معناته اني بتهاوش معاه او بقوله كلام
اطلع من حياتهم و بكل هدوء , لأني احب اترك الذكرى الحلوه
و طبعاً امحيهم من حياتي
Thursday, March 18, 2010
طعم القهوه
.
أنا ابداً ماني مدمنة قهوه ان كانت موجوده شربتها
بس احياناً تطق براسي و اجيب و اعمل لنفسي
اليوم وانا اشربها لاحظت ان طعمها يختلف معاي
بإختلاف المكان , حتى المقادير تختلف معاي شوي
و اخاف يطلع طعمها غير عن قهوة الدوام , لأن
احلى قهوه هي القهوة الي اشربها الصباح وقت الدوام
.
Sunday, March 14, 2010
Sunday, March 7, 2010
مو خسارة
.
ابداً لا تتحسف ولا تندم على شي فاتك , او بدئت تخسره
ولا شي جاك و رفضته , او شيء تمنيته ولا صار , الحياة مليئه بالأشياء
و اعرف ان الشي الي راح , او ما تحقق , بيجي بداله شيء افضل منه
فلو كل انسان فكر ان
قمة التعاسة عنده , هي قمة السعادة عند بعض الناس
أو ان مشكلته ولا شيء بالنسب لمشاكلهم
يمكن هذا الشيء يخفف عنه , في مثل معروف على هذا الشي
لكني ناسيته مع انه في بالي , الي يتذكره يكتبه لي بالردود
ربي خلقنا لهدف في هذه الحياة , خلونا نركز عليه و ننسى الامور الجانبية الآخرى
بس مو معناته نتغاضا عنها او نهملها , بس نخلي التركيز الاكبر على الهدف الرئيسى